El Parlamento asturiano

Saludu del presidente

Como Presidente de la Xunta Xeneral del Principáu d'Asturies quiero dar la bienvenida a los usuarios de la rede y animar a quien visiten esta páxina web a navegar pel so conteníu, qu'espero que-yos seya útil.

Na nuestra web queremos reflexar l'actividá parllamentaria, información sobre los sos representantes, l'axenda d'actividaes en cursu, les publicaciones oficiales y les que, anque nun tengan esti calter, resulten d'interés. Tamién queremos averar l'actividá del parllamentu asturianu a tola sociedá pa fortalecer la rellación ente la ciudadanía y los sos representantes llexítimos.

Esta IX llexislatura qu'empieza, anque más curtia que les d'un ciclu normal, promete ser más intensa y viviega que les anteriores. La presencia de cinco grupos parllamentarios va ayudar ensin dulda a ameyorar el debate parllamentariu y de xuru que va suponer idees y proyectos nuevos. La negociación y l'alcuerdu son les ferramientes básiques de la vida parllamentaria, que nos obliguen a esforcianos n'asegurar los preseos necesarios pa construyir un futuru meyor pa tola sociedá asturiana. La ciudadanía punxo l'enfotu en nós, los sos representantes, y nun tenemos que defraudalo.

Por eso quiero manifestar el nuestru compromisu na meyora de la tresparencia de l'actividá d'esta cámara, facilitando al máximu la información y la comunicación cola nuestra Comunidá, garantizando la nuestra presencia en tol territoriu asturianu, utilizando pa eso los medios y canales disponibles, sobre manera la de les tecnoloxíes de la información y la comunicación, pa facer que'l nuestru llabor seya más allegáu y accesible.

Pedro Sanjurjo González
Presidente de la Xunta Xeneral